Аморим: Нема изговори, мора да го победиме Евертон

November 29, 2024
1 min read

Иако Манчестер Јунајтед има малку време да се подготви за првиот натпревар на „Олд Трафорд“ под водство на новиот менаџер Рубен Аморим во Премиер лигата, Португалецот верува дека тимот нема да има оправдување доколку не го победи Евертон во недела.

Додека тимот на Ливерпул имаше цела недела да се подготви за натпреварот, Јунајтед играше вчера во Лига Европа и славеше над Бодо/Глимт со 3-2.

-Таква е ситуацијата. Ќе ротираме играчи и ќе бидеме подготвени. Против Бодо/Глимт искористивме четири замени за да бидеме свежи. Знаеме дека ќе биде така и немаме оправдување. Мораме да бидеме подготвени за недела и да победиме, рече Аморим.

Португалскиот тренер започна со реми со Ипсвич (1:1), откако тимот е на 12. место. Евертон се наоѓа на 15. позиција, два бода над зоната за испаѓање.

-Очекувам победа. Ќе биде поинаков натпревар, со многу борба, долги топки, втори топки. Имаат квалитетен тренер кој го разбира првенството и противниците. Мораме да играме со топката бидејќи имаме малку време да се опоравиме и мора да направиме промени во составот. Сакам да видам различни работи од тимот, да се подобриме како што правевме од Ипсвич до денес, се надева тој.

Тој исто така изјави дека се надева дека ќе ги види играчите на Јунајтед во подобра кондиција.

-Тие се многу добри играчи, треба да веруваат и да ги покажат своите квалитети, изјави Аморим.

Еден од играчите кој го импресионирал е неговиот сонародник Диого Далот.

-Тој е одличен играч. Може да игра на двете страни, што е совршено. Живее за натпреварите, рече менаџерот.

Лени Јоро сè уште чека да дебитира за Јунајтед откако заработи фрактура на стапалото во предсезоната. Тој веќе тренира и има шанси да игра пред Нова година.

Извор: kurir.mk

VERO JUMBO MACEDONIA

EVN MACEDONIA

MARKETING

Претходно

Грчката опозиција повика на официјално признавање на Палестина

Следно

Турско МНР: Приоритет на Туркије е одржувањето на мирот во сириски Идлиб и соседниот регион

Latest from Blog

Меџити: Чаир ќе добие современа инфраструктура за заштита од пожари

Првите вицепремиер и министер за животна средина, Изет Меџити, денес го презентираше проектот за изградба на Територијална пожарникарска станица во Општина Чаир, инвестиција која ќе ја зголеми безбедноста и заштитата на животот

По 300 години, „синиот змеј“ повторно забележан во Средоземното Море

 Овој вид полжав без школка, којшто се одликува со своите светлосини и сребрени нијанси, природно ги населува отворените води на Атлантскиот, Тихиот и Индискиот Океан. Неговото присуство во Средоземното Море, затоа, предизвикува

АЛБАНСКАТА ВИ-МИНИСТЕРКА СЕ ЈАВИ СО ПОРАКА „ Мојата мисија е што повеќе да ја олеснам работата на владата “

Премиерот Еди Рама преку објава на социјалната мрежа Фејсбук информираше дека Диела, првата државна министерка за вештачка интелигенција во Албанија, отворила своја официјална страница на оваа платформа. „Диела сега има и своја

Ана и Игор Дурловски – македонски песни со светска виртуозност во Битола

Синоќа, платото пред Офицерскиот дом во Битола беше исполнето со овации за оперските уметници Ана и Игор Дурловски, кои го изведоа концертот „Песни од срцата“. Стари македонски изворни песни беа отпеани со
Go toTop