Амазон откри што го сруши интернетот: Ситна грешка со огромни последици

October 25, 2025
1 min read

Големиот пад на Amazon Web Services (AWS), кој во понеделникот го парализираше дел од интернетот и предизвика прекин на работата на некои од најпопуларните светски апликации и сервиси, настанал поради наизглед безначајна техничка грешка.

Како што соопшти компанијата во детална анализа објавена од CNN, проблемот започнал кога два автоматизирани системи истовремено се обиделе да ги ажурираат истите податоци, што довело до конфликт и предизвикало сериозен дефект. Инженерите на Амазон со часови работеле за да ја санираат грешката.

Поради овој прекин, корисниците не можеле да нарачуваат храна, да пристапуваат до болнички системи, мобилно банкарство или паметни уреди во домовите. Меѓу погодените беа и некои од најголемите светски компании, како Netflix, Starbucks и United Airlines, кои останаа без пристап до своите онлајн услуги.

„Се извинуваме поради влијанието што овој настан го имаше врз нашите корисници. Знаеме колку беше сериозно и ќе направиме сè што можеме за да извлечеме поуки и да ја подобриме достапноста на нашите услуги“, соопштија од Амазон.

Што точно се случи?
Суштински, дефектот произлегол од два програма кои се „бореле“ за ажурирање на ист запис во DNS системот – еден вид „телефонски именик на интернетот“.
Резултатот бил празен запис, што предизвикало верижна реакција и прекин во работата на повеќе AWS услуги.

„Аналогијата со телефонски именик е сосема соодветна – луѓето се таму, но ако не знаете како да дојдете до нив, имате проблем“, изјави за CNN Анжелик Медина од Cisco ThousandEyes Internet Intelligence. „А тој именик – едноставно исчезна.“

Професорот Индранил Гупта од Универзитетот во Илиноис ја објаснил ситуацијата со уште една слика:

„Замислете двајца студенти кои водат заедничка тетратка – едниот брз, другиот бавен. Бавниот повремено запишува нешто, но брзиот постојано ги брише неговите белешки мислејќи дека се застарени. Кога професорот ќе ја прегледа тетратката – страницата е празна.“

Таа „празна страница“ во случајот на Амазон го срушила DynamoDB, базата на податоци која е клучен дел од AWS. Падот потоа предизвикал каскаден ефект врз други услуги како EC2 (виртуелни сервери) и Network Load Balancer (распределба на мрежен сообраќај).
Кога системот се обидел повторно да ги активира сите сервери одеднаш, оптоварувањето било преголемо – и целиот процес се урнал повторно.

По инцидентот, Амазон најави неколку технички промени – вклучително и поправка на таканаречениот „услов за трка“ (race condition), кој ја предизвикал грешката, како и нов пакет на тестови за EC2 платформата.

Професорот Гупта нагласи дека вакви прекини, иако ретки, се дел од реалноста:
„Големи дефекти едноставно се случуваат – не можете секогаш да ги избегнете, како што не можете да избегнете болест. Но начинот на кој компанијата реагира и ги информира своите корисници е клучен“, рече тој.

Падот на AWS уште еднаш потсети колку голем дел од дигиталниот свет зависи од неколку технолошки гиганти, и колку „ситна грешка“ може да предизвика глобален прекин на интернетот.

Извор: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Левица повторно на иста линија со ДУИ, со поддршка на кандидатот Фатмир Дехари во Кичево

Следно

Левичарката Кетрин Коноли победи на претседателските избори во Ирска

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop