Алијанса ги предлага Фатмир Меџити за нов министер за здравство, Кренар Лога за правда

February 10, 2023
1 min read

Новиот коалициски партнер во Владата, објави ТВ Телма, веројатно ќе го добие и Министерството за информатичко општество и администрација за каде за министер се предлага Азир Алиу

Најавената средба за денеска попладне помеѓу претседателот на Алијанса за Албанците, Арбен Таравари, и премиерот и лидер на СДСМ, Димитар Ковачевски, заврши.

Таа доаѓа откако вчера Алијанса одлучи да влезе во Владата, па за денеска Таравари најави и потпишување на синхронизираните програми. Неговата партија, како што потврди, ќе добие три министерски места и двајца заменик-министри.

Според информациите на ТВ Телма, неврологот Фатмир Меџити е кадровското решение на Алијанса за нов министер за здравство на местото на Беким Сали (Алтернатива), а Кренар Лога за министер за правда на местото на Никола Тупанчески (СДСМ).

Вјолца Бериша, пак, ќе биде заменик-министерка за земјоделство, а Тирон Јахјага заменик во Одбрана.

Таравари вчера рече дека третото министерско место ќе биде или за информатичко општество и администрација или, пак, вицепремиер за економски прашања.

Засега нема официјална потврда кое од овие две места ќе го добие Алијанса, но според извори на Телма, тоа ќе биде Министерството за информатичко општество и администрација, каде се предлага министер да биде Азир Алиу.

Во моментов со ова министерство раководи Адмирим Алити од Алтернатива од каде доаѓа и актуелниот министер за здравство Беким Сали.

Оваа партија досега не одлучи дали ќе остане во Владата или ќе премине во опозиција. Она што попладнево го најавија е дека в недела Централното собрание ќе го донесе конечниот став.

Покрај новите имиња во владата кои ќе дојдат од новиот коалициски партнер, промени ќе има и во министерските редови пополнети од СДСМ.

„360 степени“ веќе објави дека социјалдемократите ќе го преземат Министерството за животна средина и просторно планирање од ДУИ, па така на местото на Насер Нуредини ќе дојде Каја Шулева, која е актуелна државна секретарка во овој ресор.

ИЗВОР: 360stepeni.mk

MARKETING

MARKETING

Претходно

Заврши средбата Ковачевски-Таравари, потврден договор за коалиција

Следно

Ердоган призна дека одговорот на властите по земјотресот не бил толку брз

Latest from Blog

Министерот Ристовски им посакаа успешен настап во мундијалските квалификации на македонските кошаркари

Министерот за спорт Борко Ристовски денеска ја посети репрезентативната база на македонските кошаркари во Гевгелија, посакувајќи им успешен настап во претстојните квалификации за пласман на Светскиот куп 2027. Македонските кошаркарски репрезентативци во

Филипче вели дека е несериозен предлогот на ВМРО-ДПМНЕ даден на прес конференција: Резолуцијата со Бугарија за идентитетот треба да биде даден во Собрание

Претседателот на СДСМ Венко Филипче одговарајќи на новинарски прашања за предлогот на ВМРО-ДПМНЕ со Бугарија да се поднесе заедничка резолуција во Европарламентот која ќе се однесува на македонскиот јазик и македонскиот идентитет,

Познати сите четвртфиналисти на СП во ватерполо

Црногорските и грчките ватерполисти се пласираа денеска во четвртфиналето на Светското првенство, кое се одржува во Сингапур. Грција го победи Бразил со 17-5 во осминафиналето, додека Црна Гора избори место меѓу осумте

Каја Шукова кандидат на СДСМ за градоначалник на Скопје

Претседателот на Социјалдемократскиот сојуз на Македонија, д-р Венко Филипче, на денешната прес-конференција ја соопшти одлуката на Извршниот одбор на партијата, која се однесува на давање согласност за кандидатури за градоначалници за претстојните
Go toTop