ИСТАНБУЛ (АА) – Активистката за заштита на животната средина Грета Тунберг беше накратко прекината во неделата додека зборуваше во корист на Палестина на протестот за климата во холандскиот главен град Амстердам, пренесува Анадолу.
На Тунберг на сцената ѝ пријде маж откако таа покани Палестинка и Авганистанка да зборуваат.
Таа ѝ се обраќаше на публиката од десетици илјади луѓе кога ги повика жените на сцената.
„Како движење за климатска правда, мора да ги слушаме гласовите на оние што се угнетувани и оние што се борат за слобода и за правда. Во спротивно, не може да има климатска правда без меѓународна солидарност“, рече Тунберг.
Еден човек излезе на сцената и на Тунберг ѝ рече: „Дојдов овде за демонстрации за климата, а не за политички поглед.“
Инцидентот се случил откако двете жени завршиле со зборувањето и Тунберг го започнала своето обраќање.
