Одговарајќи на обвинувањата на коалицијата ВЛЕН дека за време на пописот на населението во 2021 година, ДУИ прифатила поделба на граѓаните во две категории – резиденти и нерезиденти – лидерот на интегративците, Али Ахмети, одговори:
„Албанците ниту биле поделени, ниту некогаш ќе бидат поделени. Овој попис е спроведен во рамките на сите договори…“, порача Али Ахмети.
На оваа изјава на Ахмети реагираше коалицијата ВЛЕН, посочувајќи дека да се каже дека „пописот бил во рамките на договорите“ не е само јавно признавање на одговорност, туку, според ВЛЕН, и шокантен доказ за трговијата што се правела на грбот на албанската дијаспора.
„Оваа изјава не е објаснување, туку скандал. Затоа, Али Ахмети мора јасно да одговори: Со кој договор? Со кого беше постигнат? Во чие име? Дали тој договор значеше бришење на албанската дијаспора од официјалните регистри? Ако е така, тогаш тоа мора јавно да се признае. Дијаспората заслужува одговор, а одговорноста е неизбежна“, вели ВЛЕН.
Од ВЛЕН завршуваат дека ќе продолжат да го креваат гласот за правата на секој Албанец, во земјата и во дијаспората, бидејќи, како што велат, дијаспората не е бројка за бришење, туку срцето што ја одржува економијата и надежта на оваа земја.
Од друга страна, од претходните реакции, ДУИ најави дека ќе продолжи да ги штити еднаквоста, правото на претставување и вредностите што произлегуваат од Охридскиот договор, документ кој ја гарантира мирот.
ИЗВОР: ТВ 21
