Процената на истите овие е дека 70-тонскиот Абрамс е направен за борби во европските рамници, не и за џунглите и далечните острови на Пацификот.
„Логистиката и поддршката, тешки и на двете локации, ескалираат од поголемите дистанци на Индо-пацификот и помалку развиената инфраструктура, вклучително пристаништа и аеродроми,“ пишува во извештајот.
М1 е создаден во средината на 1970-те, и е на ред да биде заменет во време кога американската армија треба да се адаптира на нови услови на фронтот, како дронови и паметни бомби. Експертската процена е дека за американските планери ќе биде монументален предизвик да се согласат на еден тенк за глобални операции.
Историски тенкот секогаш бил фокусиран на Западот и тамошните терени. Измислен од Британците, најуспешно употребен во нацистичкиот Блицкриг, за потоа да биде најмногу произведуван од Русија и Америка. И како таков, тој одлично и речиси целосно го покрива војувањето на Западот.
Процената на бордот е дека ако Америка е сериозна во подготовките за конфликт на Пацификот тогаш тенкот и борбените возила од 5-та генерација ќе треба да бидат доволно лесни за да можат да бидат лесно транспортирани преку море и воздух (Абрамсот е над 70 тони).
„Под овој опис не потпаѓа сегашниот американски оклоп, кој е направен за да се бори против бројни советски тенкови кои јуришаат преку Фулда коридорот меѓу Источна и Западна Германија.
Дури и најдобрите тенкови се бескорисни ако не можат да стигнат до боиштето,“ објаснуваат од Бизнис инсајдер.
Во извештајот на Бордот се наведуваат резултати од воена симулација според која американските тенкови имаат важна улога во одбраната на Тајван, меѓутоа тие не можат да се испорачаат и одржат во доволен број пред Кина да ја оствари својата мисија.
И без идното планирање за војна на Пацификот, Бордот смета дека деновите на Абрамс се изброени откако заклучува дека тој е ранлив на напади од дронови и од најновите анти-тенковски ракети, плус неговиот оклоп може да биде пробиен од 125-милиметарските гранати од руските Т-90 или кинеските Тип 99 тенкови. Според нив, дури и да не е проблем тоа што преголем број Абрамси се паркирани заради дефекти, неговата тежина од 70 тони прави тој да не е „тактички, оперативно или стратешки мобилен.“
Бордот е откажан од тоа дека до 2040 ќе имаат автономни робот тенкови, меѓутоа верува дека решението е некаде во рамките на човечки управувано возило, кое ќе биде полесно и со послаб оклоп, но со подобри системи и заштита од напредни закани како дронови и модерни ракети.
Алтернативите што тие ги имаат поминато се: 60-тонски тенк со 130-милиметарски топ и екипаж од тројца, што било прогласен дека е недоволно мобилен. 40-тонски лесен тенк со голем топ, што било прогласен дека нема доволно заштита. Тоа што малку повеќе ги заинтересирало е опцијата за 30-тонско возило опремено со хипербрзи ракети кои би ги придружувало тенковите.
Едно од позначителните откритија во извештајот е дека аналитичките капацитети на армијата, како моделирање и симулација, кои биле водилка при развојот на М1 повеќе не постојат.
ИЗВОР: off.net.mk
