Лара Гут Бехрами е кралица на супер велеслаломот во Гармиш-Партенкирхен, бидејќи денеска стигна до петтата победа во оваа дисциплина во германскиот ски-центар, но прва сезонава.
Скијачката од Швајцарија денеска триумфираше со време од 1 минута, 14 секунди и 91 стотинка. Зад неа финишираа Касја Викоф Лие од Норвешка со 35 стотинки послабо време, а Федерика Брињоне од Италија имаше 38 стотинки заостанување.
Гут-Бехрами води во супер велеслалом со 385 бодови, пред Брињоне, која има 310 и Софија Гоџа со 246 бодови. Во генералниот поредок Брињоне е прва со 799 бодови, додека Гут-Бехрами има 70 бодови помалку.
Следната трка е во Куршевел и ќе се вози слалом, по што ќе следува пауза пред почетокот на Светското првенство во Залбах, Австрија на 4.февруари.
Извор: kurir.mk
