Откако премиерот на Србија Милош Вучевиќ кажа дека наскоро на веб-страницата на Владата на Србија ќе биде објавена дополнителната документација со која располага во врска со падот на настрешницата во Нови Сад.
Студентите во Србија за утре во 10 часот највија дека ќе почнат со 24 часовна блокада на Автокоманда во Белград, бидејќи сметаат дека барањето за објавување на комплетната документација за реконструкцијата на Главната железничка станица во Нови Сад, каде што 15 лица загинаа, а двајца беа тешко повредени при падот на настрешницата на 1 ноември, не е целосно исполнето.
– Блокадата на Автокоманда почнува од понеделник 27.01. во 10 часот и ќе трае 24 часа. Ќе имаме шатори и греалки, како и некои активности како „Чај со студенти“, мини фудбал, турнир во шах и многу други. Смените ќе траат 4 часа.
Претседателот на Србија пак Александар Вучиќ, ден претходно изјави дека тоа е незаконско, „побара од полицијата во секој случај да го обезбеди собирот и да спречи можни инциденти.
– Мислам дека е важно полицијата целосно да ги обезбеди сите учесници во најавената незаконска блокада на Автокоманда во Белград, закажана за понеделник, и да им помогне на белграѓани во создавањето услови за нормален живот и функционирање. Животите на студентите и на сите останати граѓани за нас се највисока вредност и затоа е важно полицијата, далеку од местото каде што се одржуваат нелегални блокади, да го прекине целиот сообраќај и да спречи можност од каков било инцидент. – Александар Вучиќ претседател на Србија.
И додека граѓаните на Србија протестираат заедно со студентите и бараат одговорност за несреќата во Нови Сад. Претседателката на српскиот парламент, Ана Брнабиќ, најави вонредна седница на парламентот за в среда и дека на неа ќе се расправа за гласање доверба на владата. Како што рече, конечниот дневен ред ќе се знае утре. Според неа, мнозинството ѝ дава поддршка на владата, но таа ќе дозволи да се одржи дебата за довербата во неа, овозможувајќи ѝ на опозицијата да ги изнесе своите ставови.
Извор: 24vesti.mk
