Додека обвинителството го чека финалниот извештај од вештачењто во Словенија, партиите продолжуваат со меѓусебните обвинувања за тоа кој е виновен за скандалот со онкологија.
Поранешната министерка за труд и пратеничка на ВМРО ДПМНЕ Рашела Мизрахи вели дека на онкологија владел општ хаос. Таа тврди дела никогаш не била формирана стручна комисија која разгледувала кои медикаменти и во која количина ќе бидат потребни на пациентите. Тоа било одлучувано на друго место, а не согласно потребите на пациентите, вели Мизрахи која оцени дека бизнисот бил карциномот на макеоднското здравство.
Наместо да преземе одговорност, да формира штаб, веднаш да го реши проблемот, од власта слушаме несериозни изговори и оправдувања, а за својата неспособност обвинуваат други, вратија од СДСМ.
Скандалот со онкологија доби свое второ полувреме, откако деновиве се појави недостиг на биолошка терапиајa за пациентите болни од рак. Првиот човек на Фондоѕ Сашо Клековски вели дека терапија немало само за мала група пациенти и најави скора разрешница на проблемот. И покрај се, одговорност за скандалот на оваа клиника се уште нема.
Директорот Нино Васев беше уапсен во акцијата поврзана со повеќемесечната истрага на обвинителството за кражбата на цитостатици на Онкологија. Сега, со вештачењето од Словенија и извештајот од Србија, кои треба да стигнат до крајот на месецов, се очекува скандалот конечно да стигне до суд.
Извор: 24vesti.mk
