РАФА (АА) – По стапувањето на сила на прекинот на огнот во Појасот Газа, започна дистрибуцијата на храна за Палестинците во Рафа, кој се наоѓа во јужниот дел на палестинската енклава. При поделбата на храната забележана е голема гужва меѓу народот, известува Анадолу.
Палестинците кои избегаа пред израелските напади, засолниште побараа во јужниот дел на палестинската енклава. Во Рафа волонтери во големи казани подготвуваат храна обезбедена од турски хуманитарни организации.
И возрасните и децата стојат во ред со чинии и тенџериња во рацете чекајќи да добијат топол оброк во услови на видливо уништување на околината од израелските бомбардирања и гранатирања.
Извор: Anadolu Agency (AA)
