АНКАРА / ИСТАНБУЛ (АА) – Знамињата во Туркије беа спуштени на половина копје денес, 22 јануари, откако претседателот Реџеп Таип Ердоган прогласи ден на жалост за жртвите во разорниот пожар во ски-центарот во Северна Туркије, јавува Анадолу.
Во пожарот што избувна во хотелскиот комплекс во ски-центарот Карталкаја загинаа најмалку 76 лица, а 51 лице се повредени, изјави вчера министерот за внатрешни работи Али Јерликаја.
Од повредените, 17 лица се пуштени од болница, а едно лице сѐ уште е на интензивна нега, информира министерот за здравство Кемал Мемишоглу.
Пожарот избувнал околу 3:30 часот наутро по локално време (00:27 по Гринич), во ресторанот на хотелот во ски-центарот Карталкаја, а пламените брзо го зафатиле целиот објект, соопшти гувернерот на Болу, Абдулазиз Ајдин.
Пожарот беше ставен под контрола по десетчасовна борба на пожарникарите, изјавија властите за Анадолу.
Извор: Anadolu Agency (AA)
