Бројот на загинатите во пожарот во зимското одморалиште во турската провинција Болу се искачи на 76, соопшти во вторникот вечерта министерот за внатрешни работи Али Јерликаја.
„Како резултат на пожарот во одморалиштето Карталкаја, загинаа 76 лица“, објави тој.
Во Карталкаја, познат турски ски-центар на надморска височина од 2.200 метри, синоќа околу 3 часот и 30 минути избувнал пожар во ресторанот. Хотелот бил полн 80–90% поради празниците, а таму престојуваа 237 гости. Откако бил забележан пожарот, известен е и телефонскиот центар на 112, додека персоналот на хотелот започнал трка со времето за евакуација на гостите. Во хаотична ситуација, туристите се разбудиле и брзо почнале да го напуштаат хотелот.
На местото на настанот се повикани бројни противпожарни служби од Болу и Гереде, како и полиција, жандармерија, екипи на АФАД и медицински персонал. Пожарникарите пристигнале на местото на настанот за 40-45 минути и почнале да се борат со пламените јазици. Но, поради дрвената конструкција на објектот, пожарот брзо се проширил низ целиот објект.
Извор: 24vesti.mk
