Големите шумски пожари му се приближуваат на Лос Анџелес. Десетици илјади лица евакуирани поради огнената стихија, кој од час во час, уништува се поголеми делови околу вториот најголем град во Соединетите Американски Држави.
Најмалку 1.500 објекти се уништени додека Ураганските ветрови дополнително ја влошуваат ситуацијата, особено во лукзусните одласти во Калифорнија. Нов пожар избувна синоќа во Холивуд Хилс, на само неколку стотини метри од познатиот булевар Холивуд. Бројот на пожари во округот се искачи на шест. Четири се надвор од контрола, вклучително и два големи пожари на источната и западната страна на Лос Анџелес, кои продолжуваат да се шират.
„Се евакуиравме во 3 часот наутро. Моравме да го напуштиме домот. Сега прв пат се враќам..можам да ја видам куќата но тука не остана веќе ништо. “ – Вилијам Гонзалес.
„Штом ќе влезете, пред вас се наоѓа дневната соба. Лево беше кујната, а од десна страна имаше уште две соби. Како што можете да видите, единственото нешто кое остана е оџакот.“ – Хезус Хернандез.
Издадена е наредба за евакуација на жителите во населбата Холивуд Хилс, каде што живеат познати имиња поврзани со филмската и забавната индустрија. Одделот за вода и енергија на Калифорнија апелираа жителите да штедат вода откако голем број на хидранти кои се користат за гаснење на пожарите пресушија.
„Минатата ноќ беше една од најразорувачките и најтешките ноќи кои сме ги имале во историјата на нашиот град.“ – Маркиз Харис Досон претседател на советотна Лос Анџелес.
Според државните власти, штетата предизвикана од пожарите веќе се искачи на речиси 60 милијарди долари а околу 1,5 милиони жители на јужна калифорнија се без електрична енергија.
Извор: 24vesti.mk
