Изгрaдбата на експресниот пат Куманово (Страцин) – Крива Паланка ќе значи развој на економијата во источниот дел на Македонија, отворање на нови фабрики и нови работни места, истакна вицепремиерот Александар Николоски на свеченото пуштање во употреба на експресниот пат.
Овој е прв капитален проект кој го пуштаме после Нова година, а многу брзо како што ветивме, ќе пуштиме во употреба и други проекти, додаде тој.
“Беше 31.12 ветено, јас и директорот Трајановски на 31 -ви го извозевме прв пат овој пат и пративме информација до премиерот дека патот е готов, а од денеска ќе може да го користите сите. Нека е со среќа, аирлија, да се гледаме за нови работи, најавуваме и нови проекти кои што ќе бидат за брзо отворени, а оваа година ќе почнеме и нови проекти кои што ќе значат развој за Македонија. Ние имеме уникатна локација, низ Македонија се сечат два пан европски коридори, коридор 8 и 10 и треба да ги искористиме, мора државата да стане крстосница, енергетска и транспортна крстосница и на тој наичн да растеме и сите да ја градиме економијата и просперитетот за луѓето да ни остануваат тука”- истакна вицепремиерот Николоски.
Денеска, вицепремиерот Николоски заедно со премиерот Мицкоски, директорот Трајановски и Бен Нупно заменик шеф на ДЕУ и официјално го пуштија во употреба експресниот пат од Куманово до Крива Паланка.
Патот е во должина од 25,5 километри и инвестиција од 107 милиони евра.
ИЗВОР: kurir.mk
