Намалена е видливоста поради магла кај Неготино на 30 метри, а кај Демир Капија на 50 метри, соопштија од Автомото сојузот на Македонија.
Според податоците сообраќајот низ државата се одвива по зимски услови, но по претежно суви коловози.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
Од АМСМ исто така потсетуваат дека активна е законската обврска за задолжително поседување на зимска опрема во возилата, без оглед на моменталната временска состојба, која ќе трае до 15 март годинава.
ИЗВОР: racin.mk
