Поранешниот селектор на Англија, Герет Саутгејт, доби титула британски витез.
Саутгејт (54) ја напушти англиската фудбалска репрезентација во јули, по поразот од Шпанија во финалето на Европското првенство.
За осум години ја водеше Англија до две последователни финалиња на Европското првенство и до полуфиналето на Светското првенство во 2018 година.
Саутгејт е четвртиот селектор на Англија кој е прогласен за витез, по Сер Волтер Винтерботом, Сер Алф Ремзи и Сер Боби Робсон, објави Би-Би-Си.
Британскиот олимписки шампион на 800 метри Кили Хоџкинсон беше одликуван со Орден на Британската империја (МБЕ).
Титулите, кои ги доделуваат британските монарси уште од средниот век, како дел од витешките овластувања, ги проверува владиниот комитет пред списокот да биде проследен до премиерот и кралот Чарлс Трети.
Извор: kurir.mk
