Манчестер Сити е во невидена криза, но менаџерот Пеп Гвардиола останува уверен дека ќе ги врати насмевките на „Етихад“.
Тимот има само една победа во последните 13 натпревари.
-Нема да се откажам. Сакам да бидам тука и да се борам. Не сакам да го разочарам мојот штаб, клубот, навивачите, воопшто сите луѓе кои го сакаат Сити. Ќе се вратиме порано или подоцна. Она што се случува сега не тера да се потсетиме колку силни беа нашите резултати во минатото. Тоа ме тера да сфатам што сме постигнале тогаш во тие многу, многу години. Бевме неверојатно доследни, изјави Пеп во пресрет на гостувањето кај Лестер од Премиер лигата, кое во недела од 15:30 часот.
Според него, главната причина за проблемите сега е тоа што имаат многу повредени играчи.
-Во тој случај дозволувате благ пад на нивото на играта, но не очекувавме дека ќе биде толку голем. Но, сепак го гледам духот меѓу момците и начинот на кој тие тренираат. Тие се фокусирани на нивните задачи. Нашите успеси се должат на тоа што секогаш сме сметале дека постигнатото не е доволно. И ние продолжуваме да се обидуваме да одиме напред. Затоа освоивме еден куп титули. Натпревар на три дена, победи, победи, победи… И така долги месеци и години. Сега треба да го сториме истото, додаде Каталонецот.
Извор: kurir.mk
