Градоначалникот на Општина Бутел, Дарко Костовски, изрази разочарување што советниците на ДУИ не го поддржаа предложениот Буџет за 2025 година.
Тој истакна дека советниците од оваа политичка партија не гласаа во прилог на важни проекти за развојот на населбите со мнозинство жители Албанци, како што се изградбата на водоводот во Луботен, изградбата на нови патишта и реализација на други развојни проекти кои ќе ги подобрат условите за живот на сите граѓани.
Костовски апелираше за поголемо вклучување на сите политички групи за да се реализираат овие важни проекти за подобрување на инфраструктурата и условите за живот во овие локалитети.
