Градските власти соопштија дека околу 100 полицајци, медицински лица и пожарникари, како и 50 лица од спасувачките тимови реагирале на местото на нападот на божикниот базар во МАГДЕБУРГ.
Меѓу медицинскиот персонал имало и двајца лекари од Македонија за што јавно се заблагодари и македонската амбасада во Берлин.
-Горди со д-р Златко Станковски и д-р Владимир Митевски. Златко е од Прилеп, а Владимир од Радовиш. Тие работат како специјалисти за интерна медицина и интензивна нега во болницата во Магдебург.
Овде сите сме длабоко потресени од нападот на божиќниот базар во центарот на Магдебург. Во моментот на несреќата јас бев дежурен на одделението за интензивна кардиолошка нега. Додека доктор Станковски се наоѓаше на друг божиќен базар, оддалечен околу 500 метри од местото на нападот. вели за ТВ 24 д-р Владимир Митевски кој вршејки си ја професионално својата работа помогна во лекувањети и спасување на животите на повредените на божикниот базар во Магдебург. Д-р Митевски вели дека за нападот дознале преку ефикасен систем кој се практикува во Германија и истиот е за алармирање на сите лекари за итна медицинска помош во случаи на трагедии и природни катастрофи.
-Информацијата брзо се прошири. Во болницата веднаш беше формиран кризен штаб составен од раководните лица. На терен пристигнаа многу колеги кои не беа на должност, вклучувајќи доктори од различни специјалности, медицински сестри, помошен персонал. Организацијата и солидарноста беа на највисоко ниво, вели д-р Митевски.
-Во нашата болница беа примени 11 пациенти со тешки повреди и 67 со полесни повреди. Д-р Митевски изрази надеж дека во иднина вакви трагични настани никогаш нема да се повторат. Тој заедно со доктор Станковски се благодарни до сите жители на Магдебург за нивната хуманост и поддршка во овие тешки моменти.
Извор: 24vesti.mk
