Градоначалникот на Општина Бутел, Дарко Костовски, ги информираше жителите на својата општина за реализираните проекти во текот на тригодишниот мандат преку брошури што беа дистрибуирани низ целата општина.
„2000 печатени извештаи денес им ги поделивме на граѓаните на Општина Бутел!“ – напиша Костовски, истакнувајќи ја својата посветеност на транспарентноста и отчетноста.
Според Костовски, оваа година, деталниот извештај и отчетот вклучуваат сите проекти и постигнувања реализирани досега, базирани на предизборните ветувања. Транспарентната и одговорна работа е високо ценета од страна на граѓаните на Бутел, кои сега имаат пристап до целосни и прецизни информации за направениот напредок.
„Имаме одговорност да ја зачуваме и зајакнеме нашата улога како лидери во скопскиот регион во однос на транспарентноста. Ова е и ќе остане наш највисок приоритет,“ понатаму напиша Костовски.
Градоначалникот на Општина Бутел, Дарко Костовски, истакна дека годишните извештаи и отчетноста, кои содржат детални информации за спроведувањето на предизборната програма, помагаат во градењето на одржлива и отворена соработка меѓу граѓаните и локалната администрација.
