Украинските безбедносни служби елиминираа уште еден висок преставник на руската армија. Генерал-полковник игор кирилов, началникот на воената единица за хемиско, биолошко и радиолошко оружје, беше убиен заедно со неговиот заменик откако експлодирала бомба додека двајцата ја напуштиле зградата во станбена област во југоисточна Москва.
Никој се уште не ја презел одговорноста за нападот но смртта на кирилов, веќе се слави во Киев.
„Кирилов беше воен злосторник и целосно легитимна цел, бидејќи даваше наредби за употреба на забрането хемиско оружје против украинската војска. Одмаздата за воените злосторства е неизбежна.“ – Киев индипендент.
Заменик-претседателот на Советот за безбедност на Русија Дмитриј Медведев и најави Украина одмазда за убиството на началникот но руската армија. Според Медведев, убиството на Кирилов е знак на „агонија“ на украинската влада, која ја користи својата преостаната сила за да ја оправда катастрофалната ситуација на фронтот. Од рускиот истражен комитет пак велат дека работат на расчистување на случајот.
„Главниот истражен оддел на рускиот истражен комитет за градот Москва отвори истрага за кривично дело за убиство на двајца војници во Москва. Според истрагата, утрото на 17 декември, на Рјазански Проспект во Москва била активирана експлозивна направа, поставена во скутер паркиран до влезот на станбена зграда. Како резултат на инцидентот загинаа шефот на радијационите, хемиските и биолошките трупи на руските вооружени сили Игор Кирилов и неговиот помошник.“ – Светлана Петренко портпарол на Рускиот истражен комитет.
Кирилов беше шеф на руските сили за нуклеарна, биолошка и хемиска одбрана од 2017 година. Тој е обвинет дека дозволил употреба на хемиско оружје за време на војната во Украина. Кирилов, кој беше ставен под санкции од Велика Британија во октомври, е највисокиот руски воен функционер убиен во атентат далеку од првите линии на фронтот.
Извор: 24vesti.mk
