Ердоган: Туркије е единствената земја и единствениот сојузник во НАТО што ги победи ПКК и ДЕАШ на терен

ИСТАНБУЛ (АА) – Турскиот претседател Реџеп Таип Ердоган денес по средбата со претседателката на Европската комисија, Урсула фон дер Лајен, во однос на борбата на Туркије против терористичките организации рече дека Туркије е единствената земја што ги победила терористичките организации ПКК и ДЕАШ на терен, додавајќи дека Анкара е и единствениот сојузник на НАТО во оваа класа, јавува Анадолу

На заедничката прес-конференција со Фон дер Лајен, која престојува во посета на Анкара, Ердоган изјави дека во ерата по Асад, Туркије и ЕУ се согласуваат за потребата од зачувување на суверенитетот и територијалниот интегритет на Сирија, со посебен фокус на создавање инклузивна влада.

„Се согласуваме за одржување на суверенитетот и територијалниот интегритет на Сирија, особено за воспоставување инклузивно владеење“, рече Ердоган.

Тој, исто така, повика односите меѓу Туркије и ЕУ да не бидат „заложници на тесните агенди на некои членки“ на Блокот.

Турскиот претседател ја нагласи потребата од посилни, поинституционализирани односи со ЕУ, додавајќи дека како земја кандидат тие се посветени на оваа цел.

Наведувајќи ги двата долгогодишни приоритети за Туркије, Ердоган, исто така, изрази надеж за одлуки од ЕУ кои ќе се движат кон ажурирање на Царинската унија и забрзување на визните процеси за турските граѓани додека не се постигне визна либерализација на следниот самит на Блокот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.