Споаред пратеникот на СДСМ, Миле Талески, тутунарите први ќе и ја испорачаат сметката на ВМРО-ДПМНЕ, бидејќи со лаги и потценување, директно ги оштетува земјоделците. Тој потенцира дека Мицкоски и Трипуновски безочно лажат бидејќи за време на изборите ветувале откупна цена од 600 денари по килограм тутун, а испорачале едвај 400 денари. Тој ги коментираше и субвенициите за тутунарите.
„Токму тутунарите ќе бидат првите кои ќе им ја испорачаат фактурата на Мицкоски и ДПМНЕ и ќе ги архивираат како најлошата Влада во историјата на Македонија. Реалноста денес е сосема поинаква. За историска цена сега ја претставуваат цената од 400 денари по килограм, а ветуваа 600 денари,“ рече Талески, истакнувајќи го огромното разочарување кај тутунарите.
„Минатата година ветуваа субвенции од 160 денари за секој килограм предаден тутун, но, како што посочи Талески, „обезбедија едвај по 80 денари, кои после нашиот притисок мораше да ги зголемат на 100 денари – исто колку што лани на тутунарите им додели Владата на СДСМ,“, напиша Талевски во соопштението.
„Ако имаа барем малку образ и чест, Мицкоски и Трипуновски ќе им се извинеа на тутунарите, ќе наведнеа глава и немаше ниту да го спомнат тутунот,“ вели пратеникот на СДСМ, Миле Талески, повикувајќи ги на одговорност за лажните ветувања и несоодветната поддршка за трудот на тутунарите.
СДСМ останува на страната на тутунарите и сите земјоделци, нудејќи вистинска поддршка и мерки за развој на земјоделството и заштита на трудот на секој земјоделец.
ИЗВОР: racin.mk
