Куќа во Тафталиџе: Таравари станал прв комшија на идниот министер за здравство и на економист во „Пуцко“!

February 17, 2023
2 mins read

Куќата што ја стекнал лидерот на Алијанса за Албанците и градоначалник на Гостивар Арбен Таравари во скопско Тафталиџе се уште е дел од дебатата во парламентот, каде веќе неколку дена трае расправата за владината реконструкција, во чии рамки треба да се изберат нови членови на владата од редовите на најновиот партнер – АА, објавува Фокус.

Од една страна, пратениците на ВМРО-ДПМНЕ го обвинуваат Таравари дека оваа куќа ја добил на подарок поради тоа што го свртел курсот на Алијанса од опозициска партија со цел да стане дел од мнозинството на СДСМ и ДУИ. Уште на почетокот на собраниската расправа, партискиот потпретседател и пратеник Александар Николоски рече:

„Таравари пријавил дека куќа од 256 квадрати купил за 150 илјади евра. Како во центарот на Скопје се купува куќа по 500 евра квадрат? Но, и дали воопшто тие 150 илјади евра воопшто се платени, зашто, според нашите сознанија, нема трансакции и на тие 150 илјади евра. Дали една од цените за влез во Владата е убавата куќа во Тафталиџе која му е поклонета на господинот Таравари, исто така, од еден функционер во оваа Влада од ДУИ?“.

Наспроти тоа, пратениците на Алијанса возвраќаат дека куќата е купена во 2021 година, кога, како што велат, Таравари имал блиска соработка со лидерот на ВМРО-ДПМНЕ Христијан Мицкоски, и токму во таа куќа, според нив, тие договарале ново парламентарно мнозинство. Ваквите обвинувања ги прокоментира и Таравари, кој за „Фокус“ изјави:

„Куќата е купена во 2021 година, постапката и документацијата за купопродажба е во целост чиста. Имаме и доста за реновирање, а кредитот, здравје, ќе го плаќаме подолго време. Ве канам на кафе во својот дом и да видите за што станува збор. Се надевам дека тие што обвинуваат еден ден и самите ќе дозволат да ѕирнете во нивното секојдневие. Па, и да направите споредба…“.

ШТО ВЕЛАТ ОФИЦИЈАЛНИТЕ ПОДАТОЦИ?

„Фокус“ изврши проверка во Катастарот на недвижности, од која произлезе дека Арбен Таравари, преку имотен лист со број 47531, поседува земјиште од 100 квадратни метри и станбен објект-куќа од 261 квадратни метри, на улица Бриселска во Карпош. Всушност, објектот е лоциран на катастарска парцела со број 1432/2, во рамки на катастарска општина Карпош.

Впрочем, Таравари куќата уредно ја пријавил во анкетниот лист доставен до Антикорупциската комисија, каде навел дека ја стекнал по пат на купопродажба за цена од 9.2 милиони денари или 150 илјади евра. Во анкетниот лист не е наведено кога е склучен договорот, но, според одговорите што ги добивме од Таравари, куќата ја купил во 2011 година со помош на кредит.

Во однос на нашето прашање дали куќата е купена од функционер на ДУИ, како што го обвинуваат ВМРО-ДПМНЕ и Николоски, Таравари ни рече дека нема таква информација. Како што истакна тој, куќата му ја нашол пријател, а се договарал со жена која нема врска со политиката. Сепак, не откри за кои луѓе станува збор.

КУМОВИТЕ СТАНУВААТ СОСЕДИ

Официјалните податоците што ги обезбедивме покажуваат дека во непосредно соседство на новиот дом на Арбен Таравари недвижен имот поседува неговиот сопартиец Фатмир Меџити, кој е предложен за нов министер за здравство, на местото на Беким Сали до Алтернатива. Конкретно, Меџити поседува објект од над 300 квадратни метри лоциран на катастарска парцела број 1328, спроти куќата на Таравари.

Целиот текст прочитајте го ТУКА.

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Американската војска тврди дека убила еден од водачите на ИД во Сирија

Следно

Јунајтед доби историска понуда, еве што нуди новиот потенцијален сопственик од Катар

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop