По 17 дена борба, во клиниката во Војводина почина 23-годишната Ања Радоњиќ. Ања е извлечена од урнатините по падот на дел од настрешницата во Нови Сад. Имала внатрешно крварење, раката и била ампутирана и била приклучена на дијализа.
Нејзиното момче беше сведок на овој трагичен настан. Имено, двајцата разговарале на телефон додека таа излегувала од станицата во Нови Сад, а потоа на само неколку метри од него се случила трагедија. Информацијата дека Ања Радоњиќ починала ја потврди в.д директор на Клиничкиот центар „Војводина“, Весна Туркулов.
-Петнаесеттата жртва во несреќата што се случи во Нови Сад на 1 ноември. И покрај борбата и напорите на лекарите, дојде до смртен исход. Во името на сите вработени во КЦВ сакам уште еднаш да изразам најдлабоко сочувство до семејството и благодарност до лекарите кои дадоа се од себе, рече Туркулов.
Извор: 24vesti.mk
