Шефот на МААЕ на разговори во Иран за неговата нуклеарна програма

АНКАРА (АА) – Шефот на Меѓународната агенција за атомска енергија (МААЕ), Рафаел Гроси, во рамките на посетата на Иран денес разговараше со иранскиот министер за надворешни работи Абас Арагчи за нуклеарната програма на земјата, јавува Анадолу.

Портпаролот на Министерството за надворешни работи Есмаил Багаи ги нарече „многу важни“ разговорите меѓу двете страни.

Иранската нуклеарна програма „отсекогаш била мирољубива“, рече портпаролот, истакнувајќи ја подготвеноста на Иран да соработува со нуклеарните агенции на ОН за да се реши секое несогласување околу нуклеарната програма.

Синоќа Гроси допатува во Техеран во дводневна посета и се очекува да се сретне со иранскиот претседател Масуд Пезешкијан.

Посетата се реализира во време на спор меѓу Иран и Западот во врска со неговата нуклеарна програма.

Поранешниот американски претседател Доналд Трамп во 2018 година еднострано се повлече од нуклеарниот договор со Иран од 2015 година и повторно воведе санкции кон Техеран. Овој месец Трамп беше повторно избран за американски претседател.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.