Во просторите на „Алкалоид“ денеска беше отворен музејот на ова компанија, кој ја опфаќа нејзината историја од отворањето до денес. Генералниот директор и претседател на Управниот одбор на „Алкалоид“, Живко Мукаетов, пред присутните рече дека овој момент е значаен за сите зашто музејот е збир на моменти и емоции на генерации луѓе што работеле во компанијата од основањето во 1936 година до денес.
Во музејот на „Алкалоид“ се поставени и машини што се користеле низ годините, производи на ова фармацевтска компанија, како и спортските достигнувања на поединци и клубови кои „Алкалоид“ ги поддржувал.
Извор: 24vesti.mk
