Претседателот Ердоган упати поддршка за Палестина со песната „Бојкот“ создадена со вештачка интелигенција

АНКАРА (АА) – Претседателот на Туркије, Реџеп Таип Ердоган, на својот профил на социјалните мрежи објави: „Ние стоиме покрај Газа и нашите палестински браќа со нашите гласови, зборови, молитви, хуманитарна помош и со сите средства што ни се на располагање. Засекогаш ќе го поддржуваме нивниот благороден и чесен отпор“, известува Анадолу.

Претседателот Ердоган во својата објава вклучи и видео од песната „Бојкот“ која Јуџел Арзен Хаџиогулари, музичар и поет, пратеник од Партијата за правда и развој (АК партија) од Истанбул, ја направил со помош на вештачка интелигенција.

Во видеото има снимки од израелските бомбашки напади врз Палестина, палестински деца што бегаат од експлозиите, производи за кои беше упатен повик за бојкот и маршеви за поддршка на Палестина од целиот свет.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)