После средбата со бугарскиот претседател Радев, претседателката Гордана Сиљановска Давкова вели дека е сигурна дека разговорите со Бугарија ќе вродат со плод, и дека доколку има воља дека решението може да биде на дофат. Претседателката Сиљановска Давкова вели дека се отворени тешките теми, како и за уставните измени.
Македонската влада да ја напушти предизборната реторика и да се врати кон реалноста за дијалогот меѓу Скопје и Софија да продолжи. Ваква порака денеска испрати претседателот на Бугарија, Румен Радев, до македонските власти, пред средбата со македонската делегација предводена од претседателката Гордабна Силјановска Давкова.
Претседателката Сиљановска-Давкова изрази сочувство за авионската несреќа во Бугарија. Го очекува претседателот Радев да дојде во Скопје.
Инаку бугарскиот претседател Румен Радев реши да не дојде на вечерашната претстава на Македонската Опера и Балет која во Софија требаше да ја игра операта Набуко. Причина е авионската несреќа во која при уривање на борбен авион животот го загубија двајца бугарски пилоти. Пред средбата бугарскиот технички премиер Димитар Главчев изјави дека Немаме желба ниту причина да преговараме со Северна Македонија. Нашиот став е познат и цврст, нема за што да се репреговара со Северна Македонија, тие ги имаат нашите ставови и условите ид Европската унија кои треба да ги исполнат, додаде Главчев.
Извор: 24vesti.mk
