МОСКВА (АА) – Белорускиот претседател Александар Лукашенко денес изјави дека десетина украински беспилотни летала биле соборени над неговата земја во текот на ноќта, јавува Анадолу.
Говорејќи на прес-конференцијата во главниот град Минск, Лукашенко рече дека дроновите биле детектирани и уништени од системите за противвоздушна одбрана во јужна Белорусија.
„Се сомневаме дека тоа се дронови за извршување напади. Нарушувајќи го воздушниот простор на Белорусија, дроновите дојдоа од Украина“, рече тој.
Белоруските сили за противвоздушна одбрана биле ставени во борбена готовност, рече Лукашенко, додавајќи дека Украина постојано го нарушува белорускиот воздушен простор.
„Силите за противвоздушна одбрана беа ставени во целосна готовност за пресретнување на цели. Имаше околу десетина од нив. Полетаа авиони и хеликоптер. Исто така, системите за повеќекратни ракетни лансирања беа ставени во состојба на висока готовност“, рече тој.
Белорускиот претседател истакна дека радарите откриле повеќе дронови кои се движеле кон рускиот град Смоленск, но потоа го смениле правецот летале кон градот Јарослав.
Лукашенко рече дека белоруската војска ги предупредила своите руски колеги за заканата и дека сите дронови биле успешно соборени од руските системи за противвоздушна одбрана.
Извор: Anadolu Agency (AA)
