Србите кои се вработени во јавните институции во Северна Митровица, Косово денеска протестираа пред полициската станица во општината. Поради апсењето на двајца српски политичари Александар Арсенијевиќ и Стефан Велковиќ од Српска демократија.Нивната поддршка попладнево беше доволна за тие да бидат пуштени на слобода.
– За вакви луѓе знаеш што правиш и знаеш дека ја правиш вистинскала, правилната работа. Луѓе, ви благодарам. Да не беше вашата поддршка можеби ќе гниевме во затвор. – вели Александар Арсенијевиќ политичар.
Меѓу демонстрантите беа и лидерите на Српската листа, водечката партија на Србите на Косово, која ја уживаат поддршка на официјален Белград. Според информациите Арсенијевиќ ги попречувал работниците на општина Северна Митровица и ги одбивал наредбите на полицијата. Двајцата се уапсени во близина на главниот мост на реката Ибар.
Како што се дознава тие политичари биле против пребојување на веќе обоените српски знамиња во близина на мостот. Апсењато на двајцата политичари се случува во моментот кога во Северна Митровица се води расправа за отворање на мостот на Ибар на што се противат локалните Срби и меѓународната заедница. На дебатата учествувале претставниците на оваа општина и на Владата на Косово. Елберт Красниќи, министерот за администрација на чоклана самоуправа пред присутните рекол дека мостот ќе стане симбол за нормализирање на односите во Косово, што ќе придонесе за олеснување на контактите на граѓаните на југот и северот.
– Сега е апсурдно да продолжиме да го држиме мостот затворен. Отворањето не е и нема да биде против никого. Да, државата гарантира дека ќе биде на врвот на својата должност да обезбеди јавната безбедност во секој агол на Косово да биде на ниво на кое граѓаните се безбедни. Овде има историја на немири, закани и поттикнувања, но мостовите имаат цел зашто се градат: да ги обединат деловите што се одвоени.“ – вели Елберт Красниќи министер за администрација на локалната самоуправа.
Сепак претставник на партијата Српска демократија, кажал дека не поддржуваат отворање на мостот поради безбедносни причини. Инаку и вчера дел од Србите протестираа во Северна Митровица, противејќи се на отворањето на мостот што ја дели Јужна Митровица со албанското мнозинство и Северна Митровица, каде живее мнозинската српска заедница.
Извор: 24vesti.mk
