ДА ЈА ПОТТИКНЕМЕ УМЕТНОСТА ДА ЕДУЦИРА ЗА ДА МУ ПРКОСИМЕ НА КИЧОТ, РЕЧЕ ВИОЛИНИСТОТ КОСТОВ НА ОТВОРАЊЕТО НА ОХРИДСКО ЛЕТО

July 13, 2024
1 min read

Важно е да ја препознаеме силата на уметноста и да ја поттикнеме да ја шири својата есенција, да едуцира, да создава здрав звучен амбиент кој ќе му пркоси на шундот и кичот, рече виолинистот Владимир Костов на синоќешното отворање на 64. Охридско лето во Антички театар, пренесувајќа ја пораката во име на уметниците.

„Креативност не значи да бидеш различен, ниту комплексен. Креативност значи да бидеш едноставен како Бах, восхитувачки едноставен во лавиринтот на комплексната звучна полифонија. Справувајќи се со комплексноста на современиот свет, да не ја заборавиме важноста на уметноста во нашите животи. Да ги поддржуваме и славиме уметниците, да инвестираме во уметничката едукација и да бидеме сигурни дека уметноста ќе остане длабоко интегрирана во нашето општество“, рече Костов, концерт-мајстор во Филхармонијата.

Фестивалот го отворија литванскиот виолинист со светска кариера Џулијан Рахлин и Филхармонијата.

На програмата беа Концертот за виолина и оркестар во е-мол оп. 64 од Менделсон и класичната Увертира-фантазија „Ромео и Јулија“ од Чајковски. (Фото: Охридско лето)

Претседателката Гордана Сиљановска-Давкова, која е и покровителка на фестивалот, прогласувајќи го за отворен, рече дека во музиката и во играта се вградени личната и колективната тага и радост, стремежот и надежта.

„Тука се изворот и причината за нашата страст кон пеењето и играњето. Уметноста е трезор на индивидуалната, но и на колективната меморија, влог во сегашноста, но и во иднината“, рече Сиљановска-Давкова.

Фестивалот го отворија министерот за култура Љутков и претседателката Сиљановска-Давкова. (Фото: Министерство за култура)

Министерот за култура и туризам, Зоран Љутков, кажа дека  Охрид и фестивалот Охридско лето, беа и остануваат епицентар на македонската култура во кој децении наназад се испреплетуваат илјадници културни збиднувања и настани.

Охридско лето ќе трае до 2о август, ќе има 36 уметнички настани, од кои 25 од областа на класичната музика, шест театарски претстави, едно стенд-ап шоу и по една изложба и промоција на книга.

М. ЏАРОВСКА

ИЗВОР: sdk.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Редовен годишен одмор за подолг живот

Следно

Отфрлено обвинението за убиство против Алек Болдвин, судењето е прекинато

Latest from Blog

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски

Николоски: Ќе се реконструира целиот пат од Валандово до Струмица преку Валандовско Брдо

Со комбинирана владина поддршка во инфраструкутрата, земјоделството и туризмот, правиме развој на општина Валандово. Предвидовме финансиска поддршка од околу 100 милиони денари, од кои 65 милиони денари се директно од буџетот на
Go toTop