ИСТАНБУЛ (АА) – Турските безбедносни сили неутрализираа вкупно 13 терористи на ПКК/ЈПГ во северниот дел на Ирак и Сирија, во близина на границата со Туркије, соопшти денес турското Министерство за национална одбрана, јавува Анадолу.
„Турските вооружени сили неутрализираа 10 терористи на ПКК откриени во зоните на операцијата ‘Канџа’ и операцијата ‘Канџа-катанец’ во Северен Ирак и тројца терористи на ПКК/ЈПГ во Северна Сирија и зоните на (операцијата) ‘Маслинова гранка’“, соопшти Министерството на Х.
Турските вооружени сили продолжуваат да ги уништуваат засолништата на терористите, се додава.
Туркије во 2022 година ја започна операцијата „Канџа-катанец“ за да ги таргетира засолништата на терористичката организација ПКК во северните ирачки региони Метина, Зап и Авашин-Басјан.
Терористичката организација ПКК е позната по тоа што го користи Северен Ирак, во близина на турската граница, како засолниште за планирање и изведување терористички напади на територија на Туркије и врз локалното население во Северна Сирија.
Од 2016 година Анкара започна три успешни антитерористички операции преку својата граница во Северна Сирија за да спречи формирање терористички коридор и да овозможи мирно враќање на жителите: „Штитот на Еуфрат“ (2016), „Маслинова гранка“ (2018) и „Извор на мирот“ (2019).
Во својата речиси 40-годишна терористичка кампања против Туркије, ПКК, која е ставена на листата на терористички организации од страна на Туркије, САД и ЕУ, е одговорна за смртта на повеќе од 40.000 луѓе, меѓу кои и жени и деца. ЈПГ е сириски огранок на ПКК.
Извор: Anadolu Agency (AA)
