„Туркиш ерлајнс“ по седми пат прогласена за највреден бренд на Туркије

June 5, 2024
1 min read

АНКАРА (АА) – „Туркиш ерлајнс“ и оваа година е рангирана како највреден бренд на Туркије веќе седма година со вредност од 1,98 милијарди долари, соопшти денес Бренд фајнанс (Brand Finance), водечка светска консултантска компанија за вреднување брендови, јавува Анадолу.

Вредноста на брендот на турскиот национален авиопревозник малку се намали од минатата 2023 година, кога изнесуваше 2 милијарди долари.

Големите турски производители на апарати „Арчелик“ и „Вестел“ се следни по авиопревозникот со вредност од 1,26 милијарди долари, осносно 917 милиони долари.

Приватниот заемодавец Ишбанк ја престигна компанијата за финансиски услуги Гаранти ББВА, неговата вредност на брендот се зголеми на 859 милиони долари оваа година од 736 милиони долари минатата година и се најде на четврто место.

Гаранти ББВА се рангираше на петтото место и покрај тоа што ја подигна вредноста на својот бренд од 767 милиони долари во 2023 година на 831 милион долари во 2024 година.

Производителот на автомобили Форд Отосан (816 милиони долари), државната Зират банка (665 милиони долари), приватниот заемодавец Јапи Креди (596 милиони долари), модниот бренд ЛЦ Ваикики (542 милиона долари) и приватниот заемодавец Акбанк (532 милиона долари) ги заокружија првите 10 највредни турски брендови.

Коментирајќи ги резултатите во посебна изјава, претседателот на „Туркиш ерлајнс“, Ахмет Болат, рече дека задржувањето на првото место меѓу највредните брендови на годинашното рангирање „го мотивира целото семејство на ‘Туркиш ерлајнс’ за поголем успех“.

„Ќе продолжиме да го зголемуваме нашиот придонес за Туркије, нашата економија, вработувањето и сите сектори со кои сме поврзани“, додаде Болат.

Пресметувајќи ја финансиската вредност на брендовите повеќе од 20 години, Бренд фајнанс сега проценува 5.000 бренда секоја година.

„Туркиш ерлајнс“, основана во 1933 година со флота од пет авиони, моментно може да се пофали со флота од 456 (патнички и товарни) авиони што летаат до 346 дестинации во светот, 293 меѓународни и 53 домашни.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.

Извор: Anadolu Agency (AA)

MARKETING

MARKETING

Претходно

Кина соопшти дека успешно тестирала испорака со дрон на Монт Еверест

Следно

ВИОЛИНИСТОТ ЏУЛИЈАН РАХЛИН ОД ЛИТВАНИЈА ГО ОТВОРА „ОХРИДСКО ЛЕТО“ НА 12 ЈУЛИ

Latest from Blog

Алијансата на Албанците излегува од Владата – Таравари најави премин во опозиција

По состанокот на Алијансата на Албанците, претседателот Арбен Таравари вечерва на прес-конференција изјави дека ја напуштаат владината коалиција и преминуваат во опозиција. – Денеска Алијансата на Албанците едногласно одлучи да премине во

Брутално убиство во Србија: Во автомобил ја избодел поранешната сопруга

Тело на жена е пронајдено утринава во автомобил во приградска населба во Крагуевац, објавија српските медиуми. Според неофицијални информации, за убиство е осомничен Б.Р., поранешен сопруг на убиената 41-годишна жена. Жената наводно

Салија во 24 анализа: Бараме ние како средно медицински персонал да бидеме препознаени и да имаме наш закон и наша комора

Џеват Салија, медицински техничар од болницата во Гостивар во 24 анализа рече дека, ситуацијата со медицинските сестри е специфична. Според него, најголем проблем е тоа што не се пепознаени и не се

Алијанса за Албанците ја напушта Владата, Таравари: Одлучивме да се вратиме кај народот!

По околу два часа состанок, Алијансата за Албанците донесе одлука да ја напушти владата и да премине во опозиција.  Како што информираше Арбен Таравари, до оваа одлука дошле поради незадоволства, при што ги спомена балансерот и законот за јазиците.  Таравари меѓу другото рече дека ќе му се вратат на граѓанинот и дека Алијанса за Албанците е уникатна партија. ИЗВОР: ТВ 21
Go toTop