КИЕВ (АА) – Министерството за надворешни работи на Украина соопшти дека информацијата за издавање потерница по претседателот Владимир Зеленски во Русија е доказ за очајот на руската држава и нејзината пропаганда, известува Анадолу.
„Информацијата на Министерството за внатрешни работи на Русија дека Зеленски е ставен на т.н. потерница сведочи за очајот на руската држава и нејзината пропаганда“, се наведува во соопштението.
Се истакнува дека одлуката на Меѓународниот кривичен суд за приведувањето на претседателот на Русија, Владимир Путин, поради сомневање дека извршил воено злосторство е реална и дека таа одлука се применува во 123 држави.
Руското МВР вчера објави дека е распишана потерница по претседателот на Украина, Владимир Зеленски.
Украинскиот лидер се бара според Кривичниот закон на Руската Федерација.
Во февруари се навршија 2 години од Руската инвазија на Украина, како и 10 години од илегалното анектирање на украинскиот полуостров Крим и градот Севастопол.
Извор: Anadolu Agency (AA)
