БАГДАД (АА) – Под покровителство на турскиот претседател Реџеп Таип Ердоган и ирачкиот премиер Мухамед Шија Ал Судани, потпишан е четирилатерален меморандум за соработка во проектот „Развоен пат“ меѓу Ирак, Туркије, Катар, и Обединетите Арапски Емирати (ОАЕ).
Ердоган денес допатува во еднодневна посета на Ирак, во рамките на која оствари средба и со ирачкиот премиер Ал Судани.
Турскиот претседател рече дека стратешкиот рамковен договор за заедничка соработка потпишан со ирачкиот премиер Ал Судани претставува цврста Мапа за патот.
„Верувам дека мојата посета и штотуку потпишаните договори ќе претставуваат нова пресвртница во односите меѓу Туркије и Ирак“, рече Ердоган.
Извор: Anadolu Agency (AA)
