Пропадна иницијатива за разрешување на градоначалниците во северно Косово

April 21, 2024
1 min read

Централната изборна комисија на Косово официјално соопшти дека не успеа иницијативата за разрешување на градоначалниците во четирите општини во северно Косово, населени со мнозинско српско население, откако на денешното гласање излегоа исклучително мал број граѓани, јави дописникот на МИА од Приштина.

На прес конференција по затворањето на гласачките места во Лепосавиќ, Зубин Поток, Звечан и Северна Митровица, претседателот на ЦИК, Крешник Радониќи ги изнесе бројки на гласови во секоја општина, при што објави дека во Звечан не гласало ниту едно лице, додека во останатите три општини вкупно гласале 253 лица.

Бројот на граѓани со право на глас во процесот на гласање за или против смена на градоначалници од функциите во четирите општини е 46.556 гласачи.

-Сите 23 избирачки места беа затворени во 19 часот. Според податоците што ги добивме во овие четири општини, бројот на граѓани кои гласале во процесот на гласање за или против смена на градоначалниците од нивните функции е следниот: Лепосавиќ 124 гласачи, Зубин Поток 18 гласачи, Звечан не гласал ниту еден гласач, Северна Митровица 111 гласачи. Мнозинството запишани гласачи не гласаа, така што не беа постигнати потребните 50 отсто плус еден, поради што констатираме дека граѓанската иницијатива за смена на градоначалниците пропадна, изјави Радониќи.

Надлежните косовски инситуции, набљудувачите и медиумите објавија дека денешниот изборен процес помина без инциденти.

Во четирите општини во северно Косово, населени со мнозинско српско население, денеска се одржа гласање за разрешување на градоначалниците, како услов за распишување нови локални избори во тие општини, откако минатогодишните избори косовските Срби ги бојкотираа.

За да биде успешно гласањето, требаше да гласаат најмалку 50 отсто плус еден граѓанин. Доколку се исполнеше овој услов, тогаш вонредните избори ќе се одржеа во законските рокови. Во случај на учество на помалку од 50 отсто, гласањето се смета за неуспешно и не може да се преземе друга иницијатива пред да поминат 12 месеци.

Најголемата партија на косовските Срби, Српска листа, но и други субјекти од оваа заедница, објавија дека нема да учествуваат на ова гласање и истото го побараа од српските граѓани од таа област.

Поранешните српски градоначалници на општините поднесоа оставки во ноември 2022 година по одлуката на Владата во Приштина за промена на српските со косовски регистарски таблички. По неколку месеци, на 23 април 2023 година, се одржаа нови избори на север, но истите беа бојкотирани од Српска листа и од српските граѓани. Тоа влијаеше на слабиот одѕив на граѓаните во гласањето и резулира со победа на кандидатите на партиите на косовските Албанци. Подоцна, по протестите на тамошните Срби поради влегувањето на новите градоначалници во општинските згради со асистенција на полицијата, на барање на меѓународната заедница, Министерството за локална самоуправа изготви административно упатство во кое се предвидуваат процедурите како да се оди на избори преку петиција. По успешната петиција се одреди датумот за гласање, меѓутоа српските политички субјекти од областа, непосредно пред него, објавија дека истото ќе го бојкотираат.

Извор: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Левица: Власта во рацете на народот

Следно

Јакимовски останува во НЦАА, ама го смени колеџот

Latest from Blog

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски
Go toTop