Повреден е малолетник по физичкиот напад врз него од страна на неколку лица на скопски Бит Пазар, сооопшти полицијата.
МВР информира дека вчера во 17.35 часот во СВР Скопје било пријавено дека во Поликлиниката „Бит Пазар“ со повреда од остар предмет бил донесен малолетник од Скопје. Според пријавеното, на подрачјето на Бит Пазар неколку лица му побарале пари, а откако не им дал едно од нив го нападнало со остар предмет и му нанело убодна рана, извести МВР.
Се преземаат мерки за расчистување на случајот.
Извор: skopskoeho.mk
