Турски МИТ неутрализира висок терорист на ПКК/КЏК во северен Ирак

АНКАРА (АА) – Турската разузнавачка служба (МИТ) го неутрализира координаторот за иранскиот младински огранок на терористичката група ПКК/КЏК во операција во соседен северен Ирак, соопштија денес безбедносни извори, јавува Анадолу.

МИТ ја идентификува локацијата на Барзан Хесензаде, со кодно име „Толхилдан Кандил“, кој се приклучил на терористичката организација во 2016 година, во руралното подрачје на Кандил.

Откриено е дека Хесензаде бил во контакт со водачите на ПКК/КЏК, Џемил Бајик и Дуран Калкан, како и дека бил вклучен во активностите за регрутирање за терористичката организација.

Во својата над 35-годишна терористичка кампања против Туркије, ПКК, којашто е ставена на листата на терористички организации од страна на Туркије, САД, Велика Британија и ЕУ, е одговорна за смртта на над 40.000 луѓе, меѓу кои и деца и жени.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.