Израелските сили приведоа уште 55 Палестинци на окупираниот Западен Брег

РАМАЛА (АА) – Израелските сили приведоа уште најмалку 55 Палестинци на окупираниот Западен Брег, јавува Анадолу.

Во заедничкото соопштение на Здружението на палестински затвореници и Делегацијата на затвореници и ослободени од Организацијата за ослободување на Палестина беше наведено дека израелските сили продолжиле со рациите на Западниот Брег и во Ал-Кудс (Ерусалим).

Беше наведено дека израелските сили привеле уште 55 Палестинци, меѓу кои и деца и поранешни затвореници, во рациите извршени вчера во окупираниот Источен Ал-Кудс, како и во градовите на Западниот Брег – Хеброн, Витлеем, Рамала и Калкилија.

Соопштено е дека бројот на Палестинците приведени од Израел на Западниот Брег од 7 октомври 2023 година се зголеми на 7.400.

Од 7 октомври 2023 година кога Израел, обвинет за геноцид, започна напади врз Појасот Газа, има зголемен број притворања, рации и напади врз Палестинците на окупираниот Западен Брег и Источен Ал-Кудс.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.