Кандидатите за претседатели – Билјана Ванковска од Левица и Стевчо Јакимовски од ГРОМ на социјалните мрежи реагираат на денешната изјава на опозицискиот лидер Христијан Мицкоски, кој ги обвини дека ќе имаат естрадна улога во првиот изборен круг како „опозиција на опозицијата“ за да го ослабнат потенцијалот на кандидатката на ВМРО-ДПМНЕ, Гордана Силјановска-Давкова.
Ванковска е опозиција на сите, од прв до последен, порача кандидатката на Левица, и посочи дека исто така е опозиција на гнил систем и естаблишмент, во овој, како што вели таа, црно-бел свет.
Јакимовски пак, вели дека никогаш не се кандидирал за да попречи на кого било и порача дека ѝ посакува успех на Силјановска-Давкова.
Извор: 24vesti.mk
