Италијанските власти денеска прогласија црвен аларм за делови од регионот Венето поради екстремните временски услови, бидејќи бранот обилни врнежи и силни ветрови продолжуваат да погодуваат поголем дел од Италија.
Останатите делови од регионите Венето и Емилија-Ромања се под портокалова аларм, втор најсилен, поради временските услови кои донесоа и обилни снежни врнежи во областите на повисоки надморски височини, пренесува Анса.
Сообраќајот на линијата Милано-Венеција меѓу Виченца и Падова и денеска е во прекин, откако возовите во вторникот беа запрени поради опасност од поплави и лизгање на земјиштето.
Извор: alsat.mk
