АНКАРА (АА) – Американскиот претседател Џо Бајден објави дека одлучено е да воведат повеќе од 500 нови санкции против Русија поради смртта на рускиот опозициски лидер Алексеј Навални во затвор, јавува Анадолу.
Од Белата куќа, во порака објавена во пресрет на втората година од војната меѓу Русија и Украина, се наведува дека Бајден најавил нови санкции против Москва поради смртта на Навални.
Американскиот претседател наведе дека ќе бидат воведени повеќе од 500 нови санкции кон Русија поради смртта на Навални и втората година од руско-украинската војна.
Истакнувајќи дека санкциите ќе ги опфатат рускиот финансиски и одбранбен сектор, како и луѓето „поврзани со затворањето на Навални“, Бајден рече: „Санкциите ќе го натераат Путин да плати уште поголема цена за неговата агресија во странство и притисокот дома.“
Покрај санкциите, Бајден истакна дека се воведени нови ограничувања за извозот на околу 100 ентитети со образложение дека ѝ пружаат индиректна поддршка на Русија.
Извор: Anadolu Agency (AA)
