Орхан Муртезани од Европскиот сојуз за промени Здружената албанска опозиција денеска оцени дека има индикатори за корупција во МЕПСО. Тој остави да се види дали Обвинителството и Антикорупциската комисија ќе отворат предмет, но нагласи дека изборите се ближат и дека виновниците ќе одговараат пред лицето на правдата.
„Генералниот директор на МЕПСО треба да објасни како го променил заклучокот на Управниот одбор од февруари 2023 со кој на истата фирма требаше да се предложи драстично помало зголемување на цената. Кој им бил офицерот за врски што ја договорил зделката и во чии џебови треба да завршат овие пари. Зошто изгубија цела година без да преземат ништо во време кога цените на берза вртоглаво паѓаа? Зошто не го искористија истиот период да се ретендерира проектот и да се добие поевтина понуда од таа во 2019 година. Многу јасно дека во овој случај има корупција. Сепак 8 мај е многу блиску. Тие заедно со менторот ДУИ првин ќе одат во опозиција и потоа ќе одговараат пред лицето на правдата“, рече Муртезани.
Извор: alsat.mk
