Шефот на турската дипломатија Фидан се состана со високи претставници на Црна Гора и Косово

АНКАРА (АА) – Mинистерот за надворешни работи на Туркије, Хакан Фидан, одржа одвоени состаноци со највисоките претставници на Црна Гора и Косово во рамки на Минхенската безбедносна конференција, пренесува Анадолу.

Според дипломатски извори, Хакан Фидан разговарал за билатералните политички и економски односи со претседателот на Црна Гора Јаков Милатовиќ.

Двајцата соговорници го оцениле распоредот на претстојната посета на Милатовиќ на Туркије и ефектите од ситуацијата во Украина на Балканот.

На одделен состанок со косовската министерка за надворешни работи Доника Гервала-Шварц, Фидан разговараше за билатералните економски односи и за претстојните државни посети на високо ниво.

Фидан, исто така, упати честитки по повод Денот на независноста на Косово.

На средбата беше истакната соработката во борбата против структурата на терористичката организација ФЕТО во Косово.

На дневен ред беа и воени прашања, при што косовската страна изрази задоволство од активностите на Туркије во КФОР.

Годишната Минхенска безбедносна конференција одржува дебати на високо ниво за најитните безбедносни предизвици во светот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.