На центрите за техничка контрола се уште се забележуваат долги редици граѓани. Тие се принудени да ги менуваат сообраќајните дозволи на возилата, но ставаат и налепници НМК на регистарските таблички на автомобилите. Но, ништо не е бесплатно! Некои се револтирани бидејќи законските измени кои беа изгласани во Собранието им овозможуваат на граѓаните да ја имаат оваа услуга бесплатно. Но, на техничките пунктови велат дека се уште не го добиле официјалниот допис за овие измени, искористувајќи го овој вакум.
Иако со последните законски измени граѓаните не се обврзани да плаќаат за размена на сообраќајни дозволи со новото име на државата, и на третиот ден од стапувањето во сила на оваа законска измена, граѓаните сè уште плаќаат над 1.000 денари за промена на овој документ.
Налепниците на регистарските таблички НМК се продаваат на технички контроли за 50 денари, а на интернет се продаваат и нелегално со „купи еден-добиваш две“.
„Дојдов да ги сменам затоа што нема да можеме да одиме во странство ако немаме со новото име! Дали е во ред граѓаните да плаќаат за ова? Не знам, мислам дека не мора да плаќаме затоа што плативме само за регистрација и друго во април минатата година“, вели еден граѓанин.
Власта признава дека граѓаните кои веќе платиле се обесправени и бараат начин да се обесштетат. Но, по стапувањето во сила на одлуката од 12 февруари, инспекторатите не се грижат да ги казнат техничките контроли кои земаат пари од граѓаните за извршување на овие услуги. Во понеделникот во Собранието се смени законот со кој возачките дозволи со старото државно име важат до нова година, но само за домашна употреба. Со стара дозвола и лична карта, сообраќајот е дозволен само во земјите од регионот, како Косово, Албанија и Србија, додека земјите од ЕУ не прифаќаат без „Северна“.
Аднан Ќаили
Извор: alsat.mk
