Попладнево од Фондот за иновации одговорија на прашањата на Алсат во однос на грантовите за фирмите на Дрин Ахмети. Фондот не се согласува со тврдењата на Антикорупциската комисија и велат дека го мониторираат секое евро инвестирано во секоја компанија.
Во однос на наводите на антикорупционерите дека немало проверки, од Фондот потенцираат дека процесот на мониторинг го водат реномирани меѓународни ревизорски куќи. Од Антикорупциската комисија претходно истакнаа и дека не е законски да се кратат роковите на проектите. Но, за ова од Фондот истакнуваат дека е стандардно постапување утврдено на повеќе места, па затоа не им се јасни реакцијата и коментарите на антикорупционерите.
Извор: alsat.mk
