Претседателот на Алијанса за Албанците при гостувањето во дневникот на Алсат вечерва изјави дека не би бил изнанаден ако утре таборот на Зијадин Села на некој начин го разреши. За да ме разрешат им требаат 2/3 од гласовите, но и тоа може да се случи, рече тој. Сепак, Таравари нагласи дека тоа ништо не би сменило во однос на определбата на гласачите за промени на политичката сцена во албанскиот табор.
„Нека си го сработат сценариото за кое јас веќе јасно сметам дека е игра на ДУИ. Нека донесат одлука. За да го разрешат претседателот на партијата им требаат 2/3 од гласовите, но може и тоа да се случи. Имам информации дека може да се инсистира да бидам разрешен, но тоа ништо не менува. Мислам дека гласачите на Алијанса за Албанците, поддржувачите и искрените членови на Алијанса за Албанците се со страната којашто ќе ја води конечната битка против ДУИ. Вербата со судовите е многу ниска, но без оглед на тоа јас ќе ја почитувам било која судска одлука. И понатаму сум на мислење дека партијата не ја прават ниту печатот, ниту канцеларите, ниту автомобилите затоа што имаме многу партии кои имаат печати, автомобили и канцеларии, но кога излегуваат на избори добиваат малку гласови. Партијата ја прават луѓето“, рече Таравари.
Извор: alsat.mk
