Расте бројот на загинати и исчезнати лица во пожарите кои го зафатија Чиле. Според последните податоци од чилеанската медицинска служба во пожарите загинале повеќе од 112 лица, но се стравува дека бројот би можело да биде поголем.
Уништени се над 1.000 домови, изгореа два автобуски терминала и повеќе од 8.000 хектари земја. 19 хеликоптери, стотици пожарникари и локалното население се борат со огнената стихија.
Најпогоден регион е Валпараисо во кој живеат, речиси, еден милион жители. Драматична е состојбата и околу туристичкиот регион Вина дел Мар.
Претседателот на Чиле прогласи вонредна состојба, додека Националната служба за превенција и реагирање на катастрофи издаде црвено предупредување и побара евакуација на шест општини.
Чилеанските власти воведоа полициски час во најтешко погодените области и ја испратија војската да им помогне на пожарникарите да се борат со пожарот.
Во однос на бројот на жртви, овие пожари ја претставуваат најголемата катастрофа во Чиле од земјотресот во 2010 година, во кој загинаа околу 500 луѓе.
Извор: alsat.mk
