Секој почеток на месецот се претвора во ноќна мора за пациентите со шеќерна болест. Оние кои мора редовно да земаат инсулин се соочуваат со недостиг од типот „ризодег“. Во негово отсуство, ендокринолозите се принудени да им даваат заменски инсулин, но многу пациентите одбиваат да го земаат, бидејќи, како што велат, тој воопшто не им помага, па дури и предизвикува спротивен ефект.
“Ризодег немаме, ако сакате почекајте до понеделник. Ако има нешто резерва или да ви дадеме замена „НовоМикс. Имам уште една доза до понеделник. Да видиме што ќе испратат и дали ќе има нешто за месец февруари од Скопје. Нема да земам замена. Знам, но не зависи од нас. Јас користев замена, но нема ефект.
Во кумановската болница во првите два дена од февруари десетици пациенти се вратија без да го земат инсулинот „ризодег“. Не го сакаат заменскиот лек затоа што од него добивале алергија, ниту пак им го регулира правилно нивото на шеќер во крвта.
Од Здружението на заболени „Дијабетес“ велат дека е вознемирувачко некој да си игра со нивното здравје. Се сомневаат дека има злоупотреби на тендерите за инсулин бидејќи неговата замена е од друга европска земја и се купува по многу поевтина цена отколку ризодег. Диме Велев рече дека од понеделник ќе одат пред вратите на Министерството за здравство и Агенцијата за лекови МАЛМЕД.
Од Министерството за здравство велат дека фирмата-добавувач што го добила тендерот ги известила дека нема доволно количини на инсулин ризодег меѓу најмодерните произведени во скандинавските земји.
„Во однос на типот на инсулин за кого прашувате, има глобален недостиг. Во Северна Македонија се испорачува во мали количини, па препорачуваме пациентите да земат друг заменски инсулин. Пристигнатите количини се дистрибуирани во болниците“, велат од Министерство за здравство.
Според официјалните податоци, на територијата на државата се дијагностицирани над 116.000 пациенти со дијабетес. Од нив околу 4.400 земаат инсулин./Алсат.мк
Аднан Ќаили
Извор: alsat.mk
